ÞÓRDÍS KOLBRÚN 1. SÆTI

ÞÓRDÍS KOLBRÚN 1. SÆTI

Myndir við ræður og greinar eru úr störfum mínum og tengjast ekki endilega umfjöllunarefninu með beinum hætti.

Best í heimi?

Ræða á fundi Viðskiptaráðs og Íslandsbanka um samkeppnishæfni Íslands, 29. maí 2019.

Góðir gestir.

Það er mér sönn ánægja að ávarpa þennan fund Viðskiptaráðs og Íslandsbanka um samkeppnishæfni Íslands.

Samkeppnishæfni er dálítið merkilegt hugtak, vegna þess að í mínum huga er hún bæði tæki til að ná markmiði – og markmið í sjálfu sér.

Lokatakmarkið, hvert er það? – Jú, það er að búa til gott samfélag. Samfélag sem fólk telur eftirsóknarvert og vill búa í, þar sem saman fara góð lífskjör og mikil lífsgæði.

Það má því segja að lokatakmarkið sé að gera samfélagið í heild sinni samkeppnishæft í alþjóðlegri keppni allra samfélaga um að hámarka lífskjör og lífsgæði íbúanna.

Það er hin endanlega samkeppnishæfni sem þetta snýst um þegar öllu er á botninn hvolft.

En til þess að ná þessu marki þurfum við að vera samkeppnishæf á mörgum einstökum sviðum. Og það er líklega sú samkeppnishæfni sem oftast er rætt um í daglegu tali. Samkeppnishæfni á einhverju tilteknu þröngu sviði.

Skattaumhverfi, menntakerfi, laun, verðlag, aðgengi að fjármagni, ívilnanir og hvatar hins opinbera, regluverk, dómskerfi, öryggi, umhverfi, menning og aðrir félagslegir þættir – við þurfum að vera samkeppnishæf á sem flestum þessum sviðum og miklu fleirum.

Í árlegri skýrslu IMD viðskiptaskólans um samkeppnishæfni, sem kynnt verður hér á eftir, er viðfangsefninu skipt í fjóra yfirflokka, sem eru: efnahagslíf, stjórnkerfi, viðskiptalíf og innviðir.

Undir þessum yfirflokkum eru fjölmargir einstakir mælikvarðar. Í fljótu bragði sýnist mér þeir vera tæplega fjögur hundruð.

Þetta ætti því að vera býsna marktækur samanburður. Engu að síður eigum við alltaf að vera vakandi gagnvart því hvort einstakir liðir gefi rétta mynd af stöðu okkar. Ísland hefur til dæmis töluverða sérstöðu hvað varðar lífeyriskerfið, sem hugsanlega skekkir alþjóðlegan samanburð á skattbyrði, því vel má færa rök fyrir því að lögbundin iðgjöld í sameignarsjóði séu ígildi einhvers konar skattheimtu þegar svona samanburður er annars vegar.

Stærð heimamarkaðar er annar algengur mælikvarði í mælingum á samkeppnishæfni, og dregur okkar fámenna land að sjálfsögðu niður. En mér finnst áhugaverð spurning hvort það sé eðlilegt að heimamarkaður okkar sé talinn vera 300 þúsund manns; spyrja má hvort hann ætti ekki frekar að vera 300 milljónir. Við erum jú hluti af innri markaði Evrópska efnahagssvæðisins og það má vel færa rök fyrir að það viðmið gefi ekkert síðri mynd af okkar stöðu en að miða við 300 þúsund manns.

Mér finnst líka athyglisvert að enginn af þessum tæplega fjögur hundruð mælikvörðum lýtur með beinum hætti að þeim lífsgæðum sem felast í framboði af menningu, og heldur enginn sem lýtur með beinum hætti að félagslegu öryggisneti, nema þá helst lauslega að því er varðar heilbrigðisþjónustu.

Þó eru þarna ýmsir „mjúkir“ mælikvarðar ef svo má segja, til dæmis um kynjajafnrétti, tekjujöfnuð og umhverfismál. En framboð af menningu og félagslegt öryggisnet eru tveir mikilvægir þættir sem virðast almennt ekki eiga upp á pallborðið í skýrslum um samkeppnishæfni, öfugt við heilbrigðismál, menntamál, jafnréttismál og umhverfismál.

Það skiptir máli að velta þessu fyrir sér vegna þess að lokatakmarkið, eins og ég gat um í upphafi, er að samfélagið í heild sinni sé samkeppnishæft, þannig að fólki finnist gott að búa hér.

Svarið getur ekki verið á þá leið að hér sé eingöngu verið að mæla þætti sem gera samfélaginu kleift að framleiða verðmæti og arð. Vegna þess að til þess að framleiða verðmæti og arð þarf framúrskarandi fólk, og til þess að við höfum framúrskarandi fólk þurfum við að bjóða upp á sem allra flest af þeim lífsgæðum sem fólki þykja eftirsóknarverð.

Mannauðurinn er jú réttilega ein af þeim fjórum framtíðarlinsum sem Viðskiptaráð hefur skilgreint sem lykil-viðfangsefni, og raunar það málefni sem hlýtur sérstaka áherslu einmitt á þessu ári. Við þurfum ekki bara að þroska mannauð með góðri menntun, og viðhalda honum með góðu heilbrigðiskerfi, heldur halda í hann og laða hann til okkar með góðu framboði af þeim lífsgæðum sem fólk sækist eftir í daglegu lífi.

Fyrir nokkrum dögum setti Guðmundur Hafsteinsson, vöruþróunarstjóri hjá Google, færslu inn á Facebook þar sem hann sagði að Ísland væri besti staður í heimi til að búa á.

Tilefnið var verðlaunaafhending Verksmiðjunnar, sem er nýsköpunarkeppni ungs fólks á aldrinum 13 til 16 ára, þar sem Guðmundur sat í dómnefnd. Færsla hans gekk út á að aukin áhersla á nýsköpun hjá ungu fólki væri besta leiðin til að tryggja að Ísland yrði áfram besti staður í heimi til að búa á.

Það er dálítið athyglisvert að samfélagið hér á litla Íslandi fái þessa einkunn hjá manni sem hefur lengi búið á einum vinsælasta stað heims fyrir frumkvöðla, við störf sem þykja einhver þau mest spennandi, hjá fyrirtækjum sem eru á meðal þeirra virtustu og vinsælustu.

Ég hef sjálf ákveðna skoðun á því hvers vegna mér finnst að Ísland eigi þessa einkunn fyllilega skilið. En ég var forvitin að vita hvaða svör Guðmundur gæfi við því, og ákvað því að spyrja hann og fékk leyfi til að deila svarinu með ykkur.

Hann nefnir fyrst að við búum við ótrúlegt frelsi hérna á Íslandi sem einstaklingar. Frelsi fyrir börnin okkar til að fara um án þess að óttast neitt. Frelsi til að vinna saman og nota sterku tengslin sem lítið þjóðfélag býður upp á og bjóðast ekki í stærra samfélagi. Frelsi til að vera við sjálf án ótta við ofsóknir.

Í öðru lagi nefnir hann að við höfum ótrúlega sterkt öryggisnet. Augljóslega í formi heilbrigðisþjónustu og annarrar opinberrar þjónustu, en líka hvað varðar fjölskyldutengsl og hversu náin við erum hvert öðru, vegna þess hve við erum fámenn, sem er styrkleiki okkar umfram aðrar þjóðir að þessu leyti.

Í þriðja lagi erum við nýjungagjörn, framsýn og viljum betri heim, segir hann. Við erum opin fyrir breytingum, samþykkjum að heimurinn er alltaf að breytast, og skiljum að það er okkar að passa að breytingar séu til bóta í stað þess að berjast gegn þeim.

En ástæðan fyrir því að þessar vangaveltur komu upp í hugann á nýsköpunarkeppni ungs fólks er sú, segir Guðmundur, að þessir ótvíræðu kostir sem við njótum umfram aðrar þjóðir eru ekki sjálfgefnir og við þurfum að hlúa að þeim til að komandi kynslóðir njóti þeirra líka.

Við gætum misst frelsið.

Við gætum misst sjónar á hvað öryggisnetið gefur okkur mikil tækifæri til að taka áhættu og reyna nýja hluti án þess eiga .

Og við gætum lotið í lægra haldi fyrir hræðsluáróðrinum sem hávær minnihluti magnar upp á samfélagsmiðlum, en þá myndum við missa af tækifærinu til að skapa framtíðarþjóðfélagið sem svo mikil þörf er fyrir.

Nýsköpun á grunni verkvits, hugvits og viðskiptavits, spornar gegn þessum ógnum segir Guðmundur og við erum í einstakri stöðu til að standast þessa raun því við erum lítil þjóð, getum hreyft okkur hratt og vinnum vel saman þegar á reynir.

Ég tek heilshugar undir þessa greiningu og ég vek sérstaka athygli á því að félagslegir og samfélagslegir þættir skipta hér sköpum. Öryggi fyrir börnin okkar að vera úti að leika sér. Smæð samfélagsins sem býr til sterk félagsleg tengsl. Samtryggingarkerfi sem styður við bakið á okkur ef við hrösum eða verðum fyrir áföllum.

Þessir þættir eru lítið sem ekkert mældir þegar samkeppnishæfni er metin, en skipta þó sköpum um hvar fólk vill búa – fólkið sem myndar mannauðinn, sem er lykillinn að samkeppnishæfni.

Ég myndi sjálf bæta nokkrum þáttum við, eins og jafnréttismálum, en eins og ég nefndi í upphafi er jákvætt að byrjað er að taka þau með í reikninginn í rannsóknum eins og þeirri sem kynnt er hér í dag.

Góðir gestir.

Þó að ég noti hér tækifærið til að horfa á viðfangsefni dagsins frá dálítið óvenjulegu sjónarhorni vil ég taka skýrt fram, að að sjálfsögðu verðum við áfram að leggja áherslu á alla hefðbundnu þættina; regluverkið, skattana, starfsumhverfið, menntunina og svo framvegis og svo framvegis. Sú ræða hefur verið haldin oft áður og hún á ennþá vel við. Þið megið alls ekki draga þá ályktun að ég vilji leggja minni áherslu á þá þætti, síður en svo.

Eins og þið vitið er mótun fyrstu heildstæðu nýsköpunarstefnunnar fyrir Ísland langt komin og þar verður vikið að þessu öllu með heildstæðum hætti.

Ég hlakka til að kynna mér betur skýrsluna sem hér verður kynnt, og til að eiga áfram samstarf við Viðskiptaráð og aðra um að bæta samkeppnishæfni Íslands. Kyrrstaða jafngildir afturför þannig að við verðum sífellt að stefna hærra og hærra, og það gerum við svo sannarlega.

Orkuskipti sameina styrkleika Íslands og áskoranir heimsbyggðarinnar
„Það myndi ekki bara vekja heimsathygli heldur treysta orkuöryggi okkar, spara mikinn gjaldeyri og leggja grunn að nýjum iðnaði, störfum og útflutningi.“ – Ræða á stefnumóti við sjávarútveginn í HÍ, 17. mars 2021.
Um úrslit alþingiskosninga 2017
„Enginn annar flokkur býr að öðru eins baklandi um allt land og það eru forréttindi að fá að starfa með því fólki.“ – Morgunblaðsgrein, 5. nóvember 2017.
100 ára fullveldisafmæli
„Við erum sjálfstæð inn að beini, en við höfum ekki kosið að standa ein.“ – Morgunblaðsgrein, 2. desember 2018.
Röng nálgun vinstrimanna á umsvif hins opinbera
„Nálgun Ágústs Ólafar í þessari fyrirspurn opinberaði í hnotskurn muninn á hægrimönnum og vinstrimönnum.“ – Morgunblaðsgrein, 25. mars 2018.
Horft yfir þrjú ár sem ráðherra
„Ég hef haft grundvallargildi Sjálfstæðisstefnunnar að leiðarljósi í nálgun minni á málaflokka ráðuneytisins.“ – Morgunblaðsgrein, 26. janúar 2020.
Ný sýn á þróun ferðaþjónustunnar
„Við skiptum ekki um kúrs vegna þessara atburða en þeir kunna að gefa okkur nýja sýn á leiðirnar að markinu.“ – Morgunblaðsgrein, 31. maí 2020.
Um samfélagsábyrgð fyrirtækja
„Samfélagsábyrgð fyrirtækja snýst ekki um hvernig þú eyðir peningunum heldur hvernig þú aflar þeirra.“ – Morgunblaðsgrein, 17. nóvember 2019.
Sóknarhugur um allt land
„Hitt sem mér finnst standa upp úr er sóknarhugurinn í öllum landshlutum, sem ég finn svo skýrt fyrir um þessar mundir.“ – Morgunblaðsgrein, 18. apríl 2021.
Erindi Sjálfstæðisflokksins – yfirlýsing um framboð til varaformanns
„Ég hef ákveðið að bjóða mig fram til varaformennsku í Sjálfstæðisflokknum.“ – Morgunblaðsgrein, 25. febrúar 2018.
Tækifæri Íslands
„Eitt stærsta ímyndartækifæri Íslands á næstu árum er að taka afgerandi forystu í loftslagsmálum með orkuskiptum og verða þannig óháð jarðefnaeldsneyti fyrst þjóða.“ – Morgunblaðsgrein, 21. febrúar 2021.
Skýrar áherslur fjármálaáætlunar
„Það er gleðilegt að samhliða sókn á fjölmörgum sviðum verða skattar lækkaðir svo um munar.“ – Morgunblaðsgrein, 8. apríl 2018.
Einföldunarbyltingin
„Ferli og reglur eru vissulega nauðsynleg, en á einhverjum tímapunkti hætta þær einfaldlega að bæta umhverfi okkar og byrja að spilla því.“ – Morgunblaðsgrein, 7. mars 2021.
Öflugir innviðir – lífæðar samfélagsins
„Breytingar samtímans eru ekki alda sem kaffærir okkur heldur ber hún okkur áfram í átt til framfara og betra lífs, ef rétt er á málum haldið.“ – Ræða á Iðnþingi, 9. mars 2017.
Um þjóðerni, sjálfstæði og verslunarfrelsi
„Fullt sjálfstæði vannst að lokum, en ekki er þar með sagt að það sé horfið af listanum yfir mikilvægustu viðfangsefni okkar. Við skyldum aldrei ganga að því sem gefnum hlut, heldur ávallt halda vöku okkar.“ – Þjóðhátíðarræða á Hrafnseyri við Arnarfjörð, 17. júní 2017.
Metnaðarfullur stjórnarsáttmáli
„Fyrir kosningar var Sjálfstæðisfólk mest uggandi yfir miklum skattahækkunum sem mögulega yrðu á dagskrá ef vinstriflokkar kæmust til valda. Það er því ánægjulegt hvernig til hefur tekist varðandi þau mál í stjórnarsáttmálanum.“ – Morgunblaðsgrein, 3. desember 2017.
Raforkumál á Norðurlandi, og í stærra samhengi
„Í þingsályktunartillögu minni stendur að leggja skuli sérstaka áherslu á þau landsvæði sem búa við skert orkuöryggi.“ – Ræða á fundi Njáls Trausta Friðbertssonar og sjálfstæðisfélaganna á Akureyri um raforkumál á Norðurlandi, 7. nóvember 2019.
Jöfnun dreifikostnaðar raforku
„Í dag er of mikill munur á orkukostnaði eftir búsetu. Ég tel þetta einn alvarlegasta ágalla á því regluverki og fyrirkomulagi sem við búum við í dag á sviði raforkumála.“ – Ræða á Alþingi, 25. nóvember 2019.
Tímamótatillaga um flutningskerfi raforku
„Rauði þráðurinn í tillögunni er að styrkja þurfi flutningskerfið til að ná nánar tilgreindum markmiðum, meðal annars um orkuskipti, afhendingaröryggi um allt land og möguleikum til atvinnuuppbyggingar.“ – Morgunblaðsgrein, 11. febrúar 2018.
Opna samfélagið byggir á samtali
„Ef við greinum sum ágreiningsmál samtímans kemur í ljós að stríðandi fylkingar eru vissulega ósammála um áherslur en meira og minna sammála um grundvallaratriði.“ – Morgunblaðsgrein, 14. júní 2020.
Nýsköpun og heilbrigðisþjónusta
„Það er mikilvægt að við hugsum stórt og komum fram með lausnir sem gagnast ekki bara okkar litlu þjóð, heldur einnig á erlendum vettvangi.“ – Ræða á Nýsköpunarþingi, 30. október 2018.
Græn orka í lykilhlutverki
„Markmið orkuskipta eru þau að Ísland verði óháð jarðefnaeldsneyti og að öll starfsemi, hvort sem er á landi, í lofti eða á legi verði knúin endurnýjanlegum orkugjöfum.“ – Ræða á ársfundi Samorku, 8. september 2020.
Næstu grænu skref kalla á orku og innviði
„Það skýtur skökku við að þótt við séum í fremstu röð í grænni orkuframleiðslu þarf trekk í trekk að grípa til þess ráðs á Vestfjörðum að framleiða rafmagn með olíu vegna rafmagnstruflana.“ – Morgunblaðsgrein, 30. júlí 2017.
Þrífösun: þörf á nýrri nálgun
„Áhugi minn beinist ekki síst að því að láta reyna á samlegðaráhrif með ljósleiðaraframkvæmdum sem standa fyrir dyrum, til dæmis í Borgarbyggð og Skaftárhreppi.“ – Grein á vef Skessuhorns, 23. maí 2018.
Fimm fletir orkumála í deiglunni
„Vatnsafl og jarðvarmi tilheyra eignarhaldi á landi, rétt eins og laxveiðiréttindi tilheyra jörðum. Ef Jón og Gunna eiga landið þá eiga Jón og Gunna viðkomandi orkuauðlind. Ef ríkið á landið þá á ríkið viðkomandi orkuauðlind.“ – Ræða á ársfundi Landsvirkjunar, 28. febrúar 2019.
Farvegur framtaksins
„Stjórnvöld verða að huga vel að því að regluverk sé ekki óþarflega íþyngjandi og hamli ekki samkeppni, sem er forsenda þess að markaðslögmálin fái notið sín neytendum til hagsbóta.“ – Morgunblaðsgrein, 9. september 2018.
Aðgerðir til að jafna aðstöðumun
„Í fjármálaáætlun og frumvarpi til fjárlaga 2019 er að finna sérstaka aðgerð um varmadæluvæðingu á stórum og smáum skala á köldum svæðum til að draga úr raforkunotkun.“ – Ræða á aðalfundi Samtaka sveitarfélaga á köldum svæðum, 12. október 2018.
Samkeppnin eftir heimsfaraldur
„Óþarfa samkeppnishindranir eru byrðar sem skapa ekkert nema sóun, tjón og skaða; þær þarf að afnema sem hraðast til að auka verðmætasköpun og bæta lífskjör.“ – Ræða hjá Félagi atvinnurekenda, 11. febrúar 2021.
Samkeppnishæfni Íslands og „Veröld sem var“
„Hafinn er undirbúningur að því í atvinnuvegaráðuneytinu að setja ramma utan um vinnuna við nýsköpunarstefnu fyrir Ísland.“ – Ræða á Iðnþingi, 8. mars 2018.
Regnbogaland
„Lífið væri að ýmsu leyti einfaldara í svarthvítu. Engu að síður væri það óendanlega miklu leiðinlegra og verra samfélag. Okkur líður miklu betur í lit.“ – Morgunblaðsgrein, 12. ágúst 2018.
Útskúfunarárátta
„Að mínu mati er Obama fyrst og fremst að hvetja til ákveðinnar auðmýktar og virðingar; að við höfum ekki fyrirlitningu á öðrum sem okkar helsta leiðarljós.“ – Morgunblaðsgrein, 3. nóvember 2019.
Hlaupum hraðar
„Næsta bylting sem ég myndi vilja sjá eiga sér stað á Íslandi er einföldunarbylting.“ – Ræða á Iðnþingi, 4. mars 2021.
Forsendur verðmætasköpunar
„Menn eiga bandamann í mér þegar kemur að því að gera kerfið almennt betra, skýrara, skilvirkara og lækka skatta með almennum hætti.“ – Ræða á Iðnþingi, 18. september 2020.
Helsti grundvöllur aukinnar velmegunar
„Nýsköpun er ekki aðeins krúttleg uppátæki ungs fólks sem fær sniðugar hugmyndir. Nýsköpun er þvert á móti mikil alvara fyrir samfélag sem vill stuðla að frekari verðmætasköpun.“ – Morgunblaðsgrein, 23. september 2018.
Verkefni dagsins í ferðaþjónustu
„Í dag erum við að fjalla um fótspor. Með hliðsjón af því leyfi ég mér að stinga upp á því, að við séum stödd á þeim stað í ævintýrinu, þar sem verið er að rannsaka hvort fóturinn passar í skóinn.“ – Ræða á Ferðaþjónustudegi SAF, 21. mars 2018.
Orkustefna í mótun
„Orkumál eru nátengd byggðamálum, umhverfismálum, efnahagsmálum, nýsköpun, rannsóknum og almennri lífsgæðaþróun. Það skiptir því sköpum að horfa fram í tímann og setja skýra langtímastefnu.“ – Ræða á ársfundi Samorku, 6. mars 2019.
Framboðsræða til varaformanns Sjálfstæðisflokksins
„Við Sjálfstæðismenn eigum erindi við framtíðina af því að við skiljum hvers hún krefst af okkur. Hún krefst þess að einstaklingsfrelsi og athafnafrelsi blómstri sem aldrei fyrr, í allra þágu. Því að þannig nær venjulegt fólk óvenjulegum árangri.“ – Framboðsræða á landsfundi Sjálfstæðisflokksins, 17. mars 2018.
Staðreyndir um veiðigjald
„Það væri óskandi að þingmenn sem hæst hafa í þessari umræðu myndu treysta sér í efnislega og málefnalega umræðu um staðreyndir í stað þessa að þyrla upp ryki.“ – Morgunblaðsgrein, 3. júní 2018.
Höldum áfram að lækka skatta
„Með þessu verða skattgreiðslur hjóna með meðallaun 655 þúsund krónum lægri á ári heldur en ef skattkerfið sem vinstristjórnin skildi eftir sig hefði verið látið standa.“ – Morgunblaðsgrein, 22. október 2017.
Draumaland nýsköpunar
„Frá mínum bæjardyrum séð getur Ísland vel orðið draumaland nýsköpunar, og ég tel að okkur hafi miðað talsvert í þá átt á seinustu árum.“ – Ræða á Nýsköpunarþingi, 30. mars 2017.
Framtíð Ólafsdals er björt
„Það er því ekki að ástæðulausu sem sagt hefur verið að Ólafsdalur sé álíka mikilvægur í búnaðarsögu landsins og Hólar og Skálholt eru í kirkjusögunni.“ – Ræða á Ólafsdalshátíð, 12. ágúst 2017.
Gömul gildi og ný
„Þó að Jesú sé í dag ímynd hinna „gömlu og góðu gilda“ er hollt að hafa í huga að hann var sjálfur róttækur.“ – Morgunblaðsgrein, 16. desember 2018.
Þrjú framfaramál fyrir Akranes
„Þessar framkvæmdir eru allar skýrt merki um vilja okkar að efla byggðina á Akranesi og nágrenni enda eiga fá svæði á landinu meira inni í tækifærum til að geta vaxið og dafnað.“ – Grein í Skessuhorn, febrúar 2019, ásamt Haraldi Benediktssyni.
Við upphaf hringferðar þingflokks
Á hringferð okkar Sjálfstæðismanna um landið í fyrra voru skilaboðin til okkar skýr: Búið okkur skilyrði til að skapa aukin verðmæti. – Morgunblaðsgrein, 9. febrúar 2020.
Bjart yfir nýsköpun
„Það sem af er þessu ári hefur verið fjárfest í íslenskum nýsköpunar- og tæknifyrirtækjum fyrir um 17 milljarða króna. Það er meira en allt árið 2019.“ – Morgunblaðsgrein, 29. nóvember 2020.
Sauðkindin sem innblástur sköpunar
„Mikil gróska er í hvers konar hönnun og listsköpun sem tengist sauðkindinni, ullinni, gærunum og hinni einstöku sögu sem við höfum að segja.“ – Ræða við verðlaunaafhendingu Icelandic Lamb, 12. desember 2017.
Árangur íslenskrar ferðaþjónustu
„Ef einhver hefði tekið að sér að framfylgja því markmiði að á sjö árum myndum við fjórfalda tölu ferðamanna ásamt því að ná efsta sæti í ánægjukönnun stærstu ferðasíðu heims og yfir 70% NPS-skori, þá er ekki ólíklegt að við værum í dag að verðlauna viðkomandi.“ – Morgunblaðsgrein, 17. júní 2018.
Felst háski í ævintýri ferðaþjónustunnar?
„Það er orðið tímabært að spyrja, ekki bara hversu hratt við getum vaxið, heldur hversu mikið við getum og viljum vaxa.“ – Ræða á ferðaþjónustudegi Samtaka ferðaþjónustunnar, 16. mars 2017.
Efst á baugi í orkumálum
„Framleiðsla á grænu vetni er mjög ofarlega á baugi í Evrópu um þessar mundir. Í því felast hugsanlega möguleikar fyrir okkur Íslendinga.“ – Ræða á ársfundi Orkustofnunar, 15. október 2020.
Rammaáætlun, Hvalárvirkjun og fylkingar
“Við höfum komið því þannig fyrir að í stað þess að tvær fylkingar standi í sífelldum hrópum og köllum um hvern virkjunarkostinn á fætur öðrum eru lög í landinu um hvernig við komumst að niðurstöðu.” – Morgunblaðsgrein, 1. júlí 2018.
Ríkisstofnanir á landsbyggðinni
„Greining á samfélagslegum ávinningi af því að staðsetja ríkisstofnanir úti á landi er einmitt mikilvæg þjónusta við borgarana.“ – Ræða á málþingi á Akranesi, 22. febrúar 2019.
Hvert er hið fullkomna ferðamannaland?
„Frá fyrsta degi í embætti sagði ég að það væri ekki forgangsmál að fjölga ferðamönnum.“ – Ræða á Ferðamálaþingi, 4. október 2017.
Sterk staða Íslands
„Þjóðarvörumerkið „Ísland“ er nú 26 milljarða dollara virði, að mati þessa fyrirtækis.“ – Ræða á Framleiðsluþingi Samtaka iðnaðarins, 6. desember 2017.
Til hamingju með 40 árin, ELKEM
„Það var heillaskref fyrir alla þá sem hagsmuna eiga að gæta þegar orkusölusamningur Elekm var framlengdur um tíu ár.“ – Ræða á 40 ára afmæli Elkem, 1. júní 2019.
Samkeppnishæfni Íslands snýst um bætt lífskjör
„Það er til mikils að vinna að leysa þessi verðmæti úr læðingi með því að losa þau úr höftum óþarfa reglubyrði.“ – Morgunblaðsgrein, 15. nóvember 2020.
Orkustefna
„Orkustefnan varpar ljósi á þau fjölmörgu forgangsverkefni í orkumálum sem við getum náð samkomulagi um þvert á flokka. Það stuðlar að hraðari framförum.“ – Fréttablaðsgrein, 5. október 2020.
Hugleiðingar um HM og þjóðerni
„Það er við hæfi á aldarafmæli fullveldis að við veltum fyrir okkur hvað felst í íslensku þjóðerni.“ – Morgunblaðsgrein, 29. júlí 2018.
Uppbygging álframleiðslu var heillaspor
„Telja má líklegt að álfyrirtækin hafi mikil tækifæri á næstu árum til að gera sér mat úr þeirri staðreynd að álið sem kemur frá Íslandi er framleitt með hreinni orku.“ – Ræða á ársfundi Samáls, 11. maí 2017.
Gamalt „tímabundið“ átaksverkefni lagt niður
„Mér segir svo hugur að í kerfinu finnist fleiri útgjaldaliðir sem óhætt væri að setja punkt aftan við.“ – Morgunblaðsgrein, 26. ágúst 2018.
Kría: Súrefni fyrir frumkvöðladrifna nýsköpun
„Efnahagslegt sjálfstæði okkar og fullveldi veltur að verulegu leyti á því að við tökum afgerandi stöðu með hugvitinu.“ – Morgunblaðsgrein, 1. desember 2019.
Krafan um aukin ríkisútgjöld
„Við spyrjum of oft bara um krónur og aura, en of sjaldan um afköst, gæði, árangur, hagkvæmni, sóun og óþarfa.“ – Morgunblaðsgrein, 28. janúar 2018.
Mikilvægar aðgerðir í ferðaþjónustu
„Örfáum vikum eftir að ég kom í ráðuneytið ákváðum við að rúmlega tvöfalda framlag ríkisins til SafeTravel-verkefnis Landsbjargar.“ – Morgunblaðsgrein, 8. október 2017.
Tækifæri vindorkunnar og næstu skref
„Hagkvæmni vindorku er að aukast hratt og tækifærin eru því fjölmörg. Þau felast meðal annars í því að vindorku er hægt að byggja upp í áföngum og á styttri tíma og með minna raski en hefðbundna orkukosti.“
Frelsi og réttlæti
„Hver sem ástæðan er, eru frelsi og réttlæti jafn rétthá hugtök í íslensku samfélagi.“ – Eldhúsdagsumræður á Alþingi, 4. júní 2018.
Í aðdraganda sveitarstjórnarkosninga
„Ég veit að frambjóðendur Sjálfstæðisflokksins hafa það sem þarf til að nýta tækifærin.“ – Morgunblaðsgrein, 20. maí 2018.
Staða raforkukerfisins eftir óveður
„Það er ekki ásættanlegt að dreifbýlið þurfi alfarið sjálft að bera uppi nauðsynlegar umbætur á kerfinu.“ – Ræða á Alþingi, 17. desember 2019.
Einföldun regluverks
„Mín pólitíska sýn er að gera þurfi mjög ríkar kröfur til rökstuðnings fyrir íþyngjandi kröfum og reglum.“ – Morgunblaðsgrein, 20. október 2019.
Staðan í stjórnmálum í byrjun árs
„Eins krefjandi og ótal verkefni samtímans eru, þá tel ég að þegar frá líður verði þessi ríkisstjórn ekki síst dæmd af því hve vel henni tekst að búa okkur undir breytta framtíð.“ – Ræða við stjórnmálaumræður á Alþingi, 21. janúar 2019.
Tækifæri smávirkjana
Ég tel að það felist margvísleg tækifæri í uppbyggingu smávirkjana á Íslandi og að mörgu leyti sé um vannýtta auðlind að ræða. Ekki bara frá sjónarhóli orkumála heldur líka byggðamála. – Ræða á ráðstefnu Orkustofnunar, 17. október 2019.
Jarðvegur tækifæra um allt land
„Öflug og blómleg byggð um landið er hluti af sjálfsmynd okkar.“ – Umræður á Alþingi um stefnuræðu forsætisráðherra, 24. janúar 2017.
Auðlindir norðursins
„Hitt sem mér finnst standa upp úr er sóknarhugurinn í öllum landshlutum, sem ég finn svo skýrt fyrir.“ – Ræða á lausnamóti Eims, SSNV, SSNA, Nýsköpunar í norðri og Hacking Hekla, 15. apríl 2021.
Best í heimi?
„Fyrir nokkrum dögum setti Guðmundur Hafsteinsson, vöruþróunarstjóri hjá Google, færslu inn á Facebook þar sem hann sagði að Ísland væri besti staður í heimi til að búa á.“ – Ræða á fundi Viðskiptaráðs og Íslandsbanka um samkeppnishæfni Íslands, 29. maí 2019.
Já, skattgreiðandi
„Það er stefna Sjálfstæðisflokksins að draga úr skattheimtu og hemja vöxtinn í útgjöldum ríkisins.“ – Grein í Þjóðmálum, mars 2018.
Sjálfstæðisflokkurinn: kjölfesta og drifkraftur
„Glæsileg og tímabær frelsisvæðingin sem flokkurinn okkar og forysta hans stóð fyrir á árunum fyrir síðustu aldamót var auðvitað róttæk í samhengi sinnar tíðar.“ – Morgunblaðsgrein, 2. júní 2019.
Skiptum yfir í eigin orku
„Í stað þess að kaupa olíu og bensín frá útlöndum fyrir 80-120 milljarða á ári gætum við orðið sjálfbær um eldsneyti.“ – Fréttablaðsgrein, 26. mars 2021, ásamt Bjarna Benediktssyni.
Að nálgast álögur af varfærni
„Mikilvægt er að minna á þá staðreynd að gjaldtaka er nú þegar til staðar.“ – Morgunblaðsgrein, 10. október 2019.
Saman getum við gert stóra hluti
„Við ykkur vil ég segja: Hafið metnað fyrir hverju því sem þið takið ykkur fyrir hendur. Vandið ykkur og leggið hart að ykkur. Látið gott af ykkur leiða.“ – Ræða við útskrift frá Fjölbrautarskóla Vesturlands Akranesi, 27. maí 2017.
Til hamingju með framtíðina
„Efla þarf samkeppnishæfni landsbyggðarinnar, með fjölbreyttara atvinnulífi og sterkari innviðum. Að því er meðal annars unnið hér.“ – Ræða við útskrift frá Háskólanum á Hólum, 9. júní 2017.
Um bjartsýni á framtíðina og fortíðarþrá
„Við þurfum að vera reiðubúin til að hlusta á þær raddir sem finnst vanta skýrari svör við nýjum spurningum samtímans.“ – Ræða á Iðnþingi, 7. mars 2019.
Virðing skiptir ekki síður máli en hlutföll
„Við eigum að halda áfram að þroska þá umræðu og auka jafnrétti hvað varðar virðingu kynjanna ekki síður en hlutföll kynjanna.“ – Ræða við afhendingu FKA-verðlaunanna,
Nýsköpunarstefna kynnt
„Grunnstef stefnunnar er sú trú að framtíðarvelmegun þjóðarinnar byggist á því að búa til ný verðmæti. Þau munu ekki koma upp í hendurnar á okkur eða falla okkur sjálfkrafa í skaut.“ – Morgunblaðsgrein, 6. október 2019.
Upplýsingatækni og gervigreind
„Það er risavaxið verkefni að takast á við tækifæri og áskoranir þessarar þróunar og beina henni í rétta átt til að hún þjóni okkur, en ekki við henni.“ – Ræða á UT-messu, 8. febrúar 2019.
Árangur og áherslur við hálfnað kjörtímabil
„Við erum ekki bara að lækka skatta heldur líka að stórauka fjárfestingar í innviðum, m.a. með stórsókn í vegamálum.“ – Umræður á Alþingi um stefnuræðu forsætisráðherra, 11. september 2019.
Græn tækifæri til verðmætasköpunar
„Orkusjóður hefur styrkt mörg verkefni á sviði nýsköpunar í orkumálum, til að mynda áætlanir um fjölnýtingu á umframvarma á Grundartanga.“ – Ræða á ársfundi Samorku, 26. mars 2021.
Hlökkum til morgundagsins
„Í þeirri byggingarsögu hefur enginn flokkur lagt meira á sig, lagt harðar að sér, sett niður fleiri hornsteina og reist fleiri og sterkari stoðir heldur en Sjálfstæðisflokkurinn.“ – Ræða á flokksráðsfundi Sjálfstæðisflokksins, 14. september 2019.