„Vatnsafl og jarðvarmi tilheyra eignarhaldi á landi, rétt eins og laxveiðiréttindi tilheyra jörðum. Ef Jón og Gunna eiga landið þá eiga Jón og Gunna viðkomandi orkuauðlind. Ef ríkið á landið þá á ríkið viðkomandi orkuauðlind.“ – Ræða á ársfundi Landsvirkjunar, 28. febrúar 2019.
„Það myndi ekki bara vekja heimsathygli heldur treysta orkuöryggi okkar, spara mikinn gjaldeyri og leggja grunn að nýjum iðnaði, störfum og útflutningi.“ – Ræða á stefnumóti við sjávarútveginn í HÍ, 17. mars 2021.
„Í stað þess að kaupa olíu og bensín frá útlöndum fyrir 80-120 milljarða á ári gætum við orðið sjálfbær um eldsneyti.“ – Fréttablaðsgrein, 26. mars 2021, ásamt Bjarna Benediktssyni.
„Orkusjóður hefur styrkt mörg verkefni á sviði nýsköpunar í orkumálum, til að mynda áætlanir um fjölnýtingu á umframvarma á Grundartanga.“ – Ræða á ársfundi Samorku, 26. mars 2021.
“Við höfum komið því þannig fyrir að í stað þess að tvær fylkingar standi í sífelldum hrópum og köllum um hvern virkjunarkostinn á fætur öðrum eru lög í landinu um hvernig við komumst að niðurstöðu.” – Morgunblaðsgrein, 1. júlí 2018.
„Rauði þráðurinn í tillögunni er að styrkja þurfi flutningskerfið til að ná nánar tilgreindum markmiðum, meðal annars um orkuskipti, afhendingaröryggi um allt land og möguleikum til atvinnuuppbyggingar.“ – Morgunblaðsgrein, 11. febrúar 2018.
„Það skýtur skökku við að þótt við séum í fremstu röð í grænni orkuframleiðslu þarf trekk í trekk að grípa til þess ráðs á Vestfjörðum að framleiða rafmagn með olíu vegna rafmagnstruflana.“ – Morgunblaðsgrein, 30. júlí 2017.
„Breytingar samtímans eru ekki alda sem kaffærir okkur heldur ber hún okkur áfram í átt til framfara og betra lífs, ef rétt er á málum haldið.“ – Ræða á Iðnþingi, 9. mars 2017.