ÞÓRDÍS KOLBRÚN 1. SÆTI

ÞÓRDÍS KOLBRÚN 1. SÆTI

Myndir við ræður og greinar eru úr störfum mínum og tengjast ekki endilega umfjöllunarefninu með beinum hætti.

Græn tækifæri til verðmætasköpunar

Ræða á ársfundi Samorku, 26. mars 2021.

Kæru áhorfendur

Ég vil byrja á að þakka Samorku fyrir að bjóða mér að ávarpa ársfund samtakanna. Ég vil líka lýsa ánægju með áherslu fundarins á nýsköpun, en tækifærin til nýsköpunar í orkutengdum verkefnum eru stór og spennandi.

Áhersla ríkisstjórnarinnar á nýsköpun hefur væntanlega ekki farið fram hjá neinum. Við innleiddum nýsköpunarstefnu sem hefur að mínu mati ekki bara skilað sér í aðgerðum heldur líka í breyttu hugarfari.

Mér finnst þau tímamót hafa orðið hér á Íslandi að nýsköpun er ekki lengur litin hálfgerðu hornauga sem krúttlegt gæluverkefni; eitthvað sem enginn getur þannig séð verið á móti og öllum finnst fínt en ekki endilega skipta miklu máli; eitthvað tískuorð, ímyndarmál eða skraut sem mætti kannski alveg sleppa; heldur sé hún núna talin raunverulegt og mikilvægt viðfangsefni sem við verðum að sinna.

Því að nýsköpun er það sem gerir okkur í stakk búin til að takast á við óvissu og áskoranir framtíðarinnar, grípa tækifærin, skapa verðmæti, bæta lífskjör og tryggja stöðu okkar í alþjóðlegri samkeppni.

Samhliða þessari hugarfarsbreytingu höfum við gripið til aðgerða. Við höfum stóraukið fjárhagslegan stuðning við rannsóknir og þróun, endurskipulagt stuðningsumhverfi nýsköpunar til að gera það markvissara og betra, stofnað Kríu til að styðja við fjármögnun vísisjóða, auðveldað erlendum sérfræðingum að vinna hér tímabundið lengur en áður, rýmkað heimildir lífeyrissjóða til fjárfestinga, og þannig mætti áfram telja.

Það má færa rök fyrir að það hafi sjaldan eða aldrei verið eins bjart yfir íslensku nýsköpunarumhverfi og einmitt nú.

Nýsköpunarfyrirtæki sóttu sér í fyrra tæplega 30 milljarða króna í fjármögnun, og meira en helmingurinn kom frá útlöndum.

Ný könnun á vegum Íslandsstofu sýnir að flest nýsköpunarfyrirtæki sjá fram á vöxt næstu tólf mánuðina og nær öll hyggjast fjölga starfsmönnum á árinu.

Nýsköpun á ekki bara við í einhverjum afmörkuðum geirum heldur í öllum geirum. Og reynslan sýnir að hún dafnar ekki hvað síst í kringum rótgróna starfsemi, sem hefur styrk og burði til að prófa nýjar lausnir. Við höfum til dæmis séð þetta í sjávarútvegi, orkuframleiðslu og orkusæknum iðnaði. Og nú er nýr vaxtarbroddur að birtast okkur sem gengur út á nýsköpun í þágu loftslagsmála og sjálfbærni.

Við viljum beina sjónum okkar alveg sérstaklega að grænum tækifærum. Ég get nefnt tvö nýleg skref í því sambandi. Í fyrsta lagi frumvarp fjármálaráðherra um skattalegar ívilnanir til grænna fjárfestinga. Og í öðru lagi samkomulag um „Græna dregilinn“ svonefnda, sem ég skrifaði undir ásamt Íslandsstofu, en það miðar að því að greiða götu grænna fjárfestinga með því að veita fjárfestum skýr og skjót svör og einfalda ferla slíkra verkefna eins og kostur er, mögulega með því að koma á fót grænum iðngörðum eins og þekkjast erlendis. Við viljum bjóða slík verkefni velkomin með grænum dregli, sem kallast á við rauða dregilinn sem við þekkjum af öðrum vettvangi.

Tækifærin í orkumálum eru sérstaklega spennandi vegna þess að þau sameina sérstöðu og styrkleika Íslands annars vegar, og eitt stærsta viðfangsefni heimsbyggðarinnar hins vegar.

Tækifæri okkar til að taka afgerandi forystu á þessu sviði birtist meðal annars í því, að Ísland er í fyrsta sæti á lista MIT-háskólans, þar sem reiknuð hefur verið út „vísitala grænnar framtíðar“. En við erum þó bara sjónarmun á undan Dönum og Norðmönnum, sem sýnir að við þurfum að halda vöku okkar og halda áfram að stíga markviss skref.

Eins og þið vitið felur ný orkustefna í sér markmið um að Ísland verði óháð jarðefnaeldsneyti í síðasta lagi 2050. Ég tel að við eigum að hafa það markmið að verða fyrst. Það myndi ekki bara vekja heimsathygli heldur treysta orkuöryggi okkar, spara mikinn gjaldeyri og leggja grunn að nýjum iðnaði, störfum og útflutningi.

Við höfum áður tekist á við stór og metnaðarfull markmið í orkuskiptum. Hitaveituvæðingin er besta dæmið um það. Ný aðgerðaáætlun orkustefnunnar, sem ég lagði nýlega fram, varðar fyrstu skrefin á þessari leið okkar.

Til að útrýma skaðlegum orkugjöfum þurfum við augljóslega að auka framleiðslu á grænni orku, og styðja við þá margvíslegu nýsköpun sem þarf að eiga sér stað til að markmið okkar náist.

Þróunin er á fleygiferð og til marks um það hefur skipafélagið Maersk tilkynnt að það ætli að hætta að nota olíu á öll sín skip og að fyrsta „græna“ skipið verði sjósett eftir tvö ár og verði knúið rafmetanóli. Orkuskiptin eru að knýja dyra í þungaflutningum, bæði með skipum og ökutækjum. Flugið er eitthvað lengra framundan en þó komið á sjóndeildarhringinn.

Við megum ekki dragast aftur úr í þessari þróun heldur eigum við að taka forystu.

Sóknarfærin eru spennandi. Carbon Recycling hefur vakið verðskuldaða athygli fyrir rafeldsneytisframleiðslu sína og stefnir nú á skráningu á markað, þó að töluverðar áskoranir hafi verið uppi varðandi starfsemi verksmiðju félagsins á Íslandi.

Aðferð CarbFix til að binda koltvísýring í jarðvegi hefur líka vakið mikla athygli og er afar spennandi.

Við Íslendingar finnum fyrir auknum áhuga erlendis, bæði af hálfu fyrirtækja og erlendra stjórnvalda, varðandi samstarf um framleiðslu á umhverfisvænu eldsneyti, og aðra nýtingu á endurnýjanlegri orku sem styður við græna framtíð, svo sem rafhlöðuframleiðslu og gagnaver. Við eigum að taka vel á móti þeim tækifærum og í aðgerðaáætlun orkustefnu er að finna aðgerðir sem snúa að því.

Réttilega hefur verið bent á að flest nágrannalönd okkar styðja myndarlega við þá nýsköpun sem oft er forsenda þess að draga úr losun gróðurhúsalofttegunda. Til að Ísland dragist ekki aftur úr í alþjóðlegum samanburði tel ég að við þurfum að gera tvennt: Annars vegar að auka stuðning við íslensk fyrirtæki sem sækja í alþjóðlega samkeppnissjóði á þessu sviði, en þar er eftir mjög miklu að slægjast. Og hins vegar að leita áfram leiða til að bæta stuðningsumhverfið hér heima, umfram það sem þegar hefur verið gert.

Orkusjóður hefur styrkt mörg verkefni á sviði nýsköpunar í orkumálum, til að mynda áætlanir um fjölnýtingu á umframvarma á Grundartanga. Atvinnuvega- og nýsköpunarráðuneytið hefur stutt athugun á sama svæði á möguleikum þess að nýta útblástur stóriðju til rafeldsneytisframleiðslu.

Fjárveitingar til orkuskipta hafa almennt verið auknar svo um munar á síðustu þremur árum, og við sjáum að það er þegar farið að hafa áhrif í þá átt að hraða orkuskiptum á Íslandi. Orkusjóður hefur auglýst verkefni með hliðsjón af ákveðinni áfangaskiptingu í orkuskiptum. Fyrri áfangar hafa mikið til snúið að innviðauppbyggingu fyrir rafbíla, við gististaði og fyrir bílaleigur og hafnir, en í næsta áfanga er meðal annars horft til notkunar á rafeldsneyti við þungaflutninga og í hafsækinni starfsemi. Þar mun nýsköpun í grænum lausnum gegna lykilhlutverki sem og almennt samspil orkumála og nýsköpunar.

Við erum á góðri leið, en það þarf meira til, að mínu mati. Ég nefni sem dæmi að stuðningsumhverfi rannsóknar- og þróunarverkefna gæti nýst grænum verkefnum betur í einhverjum tilvikum, sem og boðaðar skattaívilnanir til grænna fjárfestinga.

Við þurfum að ganga úr skugga um að stuðningsumhverfi okkar hvað þetta varðar sé samkeppnishæft, því að markmið okkar, sem koma bæði fram í orkustefnu og nýsköpunarstefnu, eru skýr og þau eru metnaðarfull.

Góðir áheyrendur

Ég vil aftur þakka Samorku fyrir að setja nýsköpun í orkugeiranum rækilega á dagskrá hér í dag. Sú áhersla er í fullu samræmi við sýn stjórnvalda og ég hlakka til að eiga áfram gott samstarf við Samorku og aðildarfyrirtæki samtakanna um að nýta tækifærin á þessu sviði.

Ég vil einnig þakka Samorku fyrir gott og faglegt samstarf undanfarin ár, sérstaklega við gerð orkustefnu og aðgerðaáætlunar hennar. Takk fyrir.

Við upphaf hringferðar þingflokks
Á hringferð okkar Sjálfstæðismanna um landið í fyrra voru skilaboðin til okkar skýr: Búið okkur skilyrði til að skapa aukin verðmæti. – Morgunblaðsgrein, 9. febrúar 2020.
Einföldunarbyltingin
„Ferli og reglur eru vissulega nauðsynleg, en á einhverjum tímapunkti hætta þær einfaldlega að bæta umhverfi okkar og byrja að spilla því.“ – Morgunblaðsgrein, 7. mars 2021.
Felst háski í ævintýri ferðaþjónustunnar?
„Það er orðið tímabært að spyrja, ekki bara hversu hratt við getum vaxið, heldur hversu mikið við getum og viljum vaxa.“ – Ræða á ferðaþjónustudegi Samtaka ferðaþjónustunnar, 16. mars 2017.
Farvegur framtaksins
„Stjórnvöld verða að huga vel að því að regluverk sé ekki óþarflega íþyngjandi og hamli ekki samkeppni, sem er forsenda þess að markaðslögmálin fái notið sín neytendum til hagsbóta.“ – Morgunblaðsgrein, 9. september 2018.
Til hamingju með 40 árin, ELKEM
„Það var heillaskref fyrir alla þá sem hagsmuna eiga að gæta þegar orkusölusamningur Elekm var framlengdur um tíu ár.“ – Ræða á 40 ára afmæli Elkem, 1. júní 2019.
Til hamingju með framtíðina
„Efla þarf samkeppnishæfni landsbyggðarinnar, með fjölbreyttara atvinnulífi og sterkari innviðum. Að því er meðal annars unnið hér.“ – Ræða við útskrift frá Háskólanum á Hólum, 9. júní 2017.
Kría: Súrefni fyrir frumkvöðladrifna nýsköpun
„Efnahagslegt sjálfstæði okkar og fullveldi veltur að verulegu leyti á því að við tökum afgerandi stöðu með hugvitinu.“ – Morgunblaðsgrein, 1. desember 2019.
Útskúfunarárátta
„Að mínu mati er Obama fyrst og fremst að hvetja til ákveðinnar auðmýktar og virðingar; að við höfum ekki fyrirlitningu á öðrum sem okkar helsta leiðarljós.“ – Morgunblaðsgrein, 3. nóvember 2019.
Þrífösun: þörf á nýrri nálgun
„Áhugi minn beinist ekki síst að því að láta reyna á samlegðaráhrif með ljósleiðaraframkvæmdum sem standa fyrir dyrum, til dæmis í Borgarbyggð og Skaftárhreppi.“ – Grein á vef Skessuhorns, 23. maí 2018.
Höldum áfram að lækka skatta
„Með þessu verða skattgreiðslur hjóna með meðallaun 655 þúsund krónum lægri á ári heldur en ef skattkerfið sem vinstristjórnin skildi eftir sig hefði verið látið standa.“ – Morgunblaðsgrein, 22. október 2017.
Hugleiðingar um HM og þjóðerni
„Það er við hæfi á aldarafmæli fullveldis að við veltum fyrir okkur hvað felst í íslensku þjóðerni.“ – Morgunblaðsgrein, 29. júlí 2018.
Rammaáætlun, Hvalárvirkjun og fylkingar
“Við höfum komið því þannig fyrir að í stað þess að tvær fylkingar standi í sífelldum hrópum og köllum um hvern virkjunarkostinn á fætur öðrum eru lög í landinu um hvernig við komumst að niðurstöðu.” – Morgunblaðsgrein, 1. júlí 2018.
Hlökkum til morgundagsins
„Í þeirri byggingarsögu hefur enginn flokkur lagt meira á sig, lagt harðar að sér, sett niður fleiri hornsteina og reist fleiri og sterkari stoðir heldur en Sjálfstæðisflokkurinn.“ – Ræða á flokksráðsfundi Sjálfstæðisflokksins, 14. september 2019.
Raforkumál á Norðurlandi, og í stærra samhengi
„Í þingsályktunartillögu minni stendur að leggja skuli sérstaka áherslu á þau landsvæði sem búa við skert orkuöryggi.“ – Ræða á fundi Njáls Trausta Friðbertssonar og sjálfstæðisfélaganna á Akureyri um raforkumál á Norðurlandi, 7. nóvember 2019.
Verkefni dagsins í ferðaþjónustu
„Í dag erum við að fjalla um fótspor. Með hliðsjón af því leyfi ég mér að stinga upp á því, að við séum stödd á þeim stað í ævintýrinu, þar sem verið er að rannsaka hvort fóturinn passar í skóinn.“ – Ræða á Ferðaþjónustudegi SAF, 21. mars 2018.
Opna samfélagið byggir á samtali
„Ef við greinum sum ágreiningsmál samtímans kemur í ljós að stríðandi fylkingar eru vissulega ósammála um áherslur en meira og minna sammála um grundvallaratriði.“ – Morgunblaðsgrein, 14. júní 2020.
Frelsi og réttlæti
„Hver sem ástæðan er, eru frelsi og réttlæti jafn rétthá hugtök í íslensku samfélagi.“ – Eldhúsdagsumræður á Alþingi, 4. júní 2018.
Staða raforkukerfisins eftir óveður
„Það er ekki ásættanlegt að dreifbýlið þurfi alfarið sjálft að bera uppi nauðsynlegar umbætur á kerfinu.“ – Ræða á Alþingi, 17. desember 2019.
100 ára fullveldisafmæli
„Við erum sjálfstæð inn að beini, en við höfum ekki kosið að standa ein.“ – Morgunblaðsgrein, 2. desember 2018.
Framboðsræða til varaformanns Sjálfstæðisflokksins
„Við Sjálfstæðismenn eigum erindi við framtíðina af því að við skiljum hvers hún krefst af okkur. Hún krefst þess að einstaklingsfrelsi og athafnafrelsi blómstri sem aldrei fyrr, í allra þágu. Því að þannig nær venjulegt fólk óvenjulegum árangri.“ – Framboðsræða á landsfundi Sjálfstæðisflokksins, 17. mars 2018.
Uppbygging álframleiðslu var heillaspor
„Telja má líklegt að álfyrirtækin hafi mikil tækifæri á næstu árum til að gera sér mat úr þeirri staðreynd að álið sem kemur frá Íslandi er framleitt með hreinni orku.“ – Ræða á ársfundi Samáls, 11. maí 2017.
Hlaupum hraðar
„Næsta bylting sem ég myndi vilja sjá eiga sér stað á Íslandi er einföldunarbylting.“ – Ræða á Iðnþingi, 4. mars 2021.
Að nálgast álögur af varfærni
„Mikilvægt er að minna á þá staðreynd að gjaldtaka er nú þegar til staðar.“ – Morgunblaðsgrein, 10. október 2019.
Aðgerðir til að jafna aðstöðumun
„Í fjármálaáætlun og frumvarpi til fjárlaga 2019 er að finna sérstaka aðgerð um varmadæluvæðingu á stórum og smáum skala á köldum svæðum til að draga úr raforkunotkun.“ – Ræða á aðalfundi Samtaka sveitarfélaga á köldum svæðum, 12. október 2018.
Skýrar áherslur fjármálaáætlunar
„Það er gleðilegt að samhliða sókn á fjölmörgum sviðum verða skattar lækkaðir svo um munar.“ – Morgunblaðsgrein, 8. apríl 2018.
Jöfnun dreifikostnaðar raforku
„Í dag er of mikill munur á orkukostnaði eftir búsetu. Ég tel þetta einn alvarlegasta ágalla á því regluverki og fyrirkomulagi sem við búum við í dag á sviði raforkumála.“ – Ræða á Alþingi, 25. nóvember 2019.
Um þjóðerni, sjálfstæði og verslunarfrelsi
„Fullt sjálfstæði vannst að lokum, en ekki er þar með sagt að það sé horfið af listanum yfir mikilvægustu viðfangsefni okkar. Við skyldum aldrei ganga að því sem gefnum hlut, heldur ávallt halda vöku okkar.“ – Þjóðhátíðarræða á Hrafnseyri við Arnarfjörð, 17. júní 2017.
Sóknarhugur um allt land
„Hitt sem mér finnst standa upp úr er sóknarhugurinn í öllum landshlutum, sem ég finn svo skýrt fyrir um þessar mundir.“ – Morgunblaðsgrein, 18. apríl 2021.
Skiptum yfir í eigin orku
„Í stað þess að kaupa olíu og bensín frá útlöndum fyrir 80-120 milljarða á ári gætum við orðið sjálfbær um eldsneyti.“ – Fréttablaðsgrein, 26. mars 2021, ásamt Bjarna Benediktssyni.
Um úrslit alþingiskosninga 2017
„Enginn annar flokkur býr að öðru eins baklandi um allt land og það eru forréttindi að fá að starfa með því fólki.“ – Morgunblaðsgrein, 5. nóvember 2017.
Sjálfstæðisflokkurinn: kjölfesta og drifkraftur
„Glæsileg og tímabær frelsisvæðingin sem flokkurinn okkar og forysta hans stóð fyrir á árunum fyrir síðustu aldamót var auðvitað róttæk í samhengi sinnar tíðar.“ – Morgunblaðsgrein, 2. júní 2019.
Samkeppnin eftir heimsfaraldur
„Óþarfa samkeppnishindranir eru byrðar sem skapa ekkert nema sóun, tjón og skaða; þær þarf að afnema sem hraðast til að auka verðmætasköpun og bæta lífskjör.“ – Ræða hjá Félagi atvinnurekenda, 11. febrúar 2021.
Gamalt „tímabundið“ átaksverkefni lagt niður
„Mér segir svo hugur að í kerfinu finnist fleiri útgjaldaliðir sem óhætt væri að setja punkt aftan við.“ – Morgunblaðsgrein, 26. ágúst 2018.
Árangur íslenskrar ferðaþjónustu
„Ef einhver hefði tekið að sér að framfylgja því markmiði að á sjö árum myndum við fjórfalda tölu ferðamanna ásamt því að ná efsta sæti í ánægjukönnun stærstu ferðasíðu heims og yfir 70% NPS-skori, þá er ekki ólíklegt að við værum í dag að verðlauna viðkomandi.“ – Morgunblaðsgrein, 17. júní 2018.
Ný sýn á þróun ferðaþjónustunnar
„Við skiptum ekki um kúrs vegna þessara atburða en þeir kunna að gefa okkur nýja sýn á leiðirnar að markinu.“ – Morgunblaðsgrein, 31. maí 2020.
Tækifæri Íslands
„Eitt stærsta ímyndartækifæri Íslands á næstu árum er að taka afgerandi forystu í loftslagsmálum með orkuskiptum og verða þannig óháð jarðefnaeldsneyti fyrst þjóða.“ – Morgunblaðsgrein, 21. febrúar 2021.
Draumaland nýsköpunar
„Frá mínum bæjardyrum séð getur Ísland vel orðið draumaland nýsköpunar, og ég tel að okkur hafi miðað talsvert í þá átt á seinustu árum.“ – Ræða á Nýsköpunarþingi, 30. mars 2017.
Tækifæri vindorkunnar og næstu skref
„Hagkvæmni vindorku er að aukast hratt og tækifærin eru því fjölmörg. Þau felast meðal annars í því að vindorku er hægt að byggja upp í áföngum og á styttri tíma og með minna raski en hefðbundna orkukosti.“
Ríkisstofnanir á landsbyggðinni
„Greining á samfélagslegum ávinningi af því að staðsetja ríkisstofnanir úti á landi er einmitt mikilvæg þjónusta við borgarana.“ – Ræða á málþingi á Akranesi, 22. febrúar 2019.
Já, skattgreiðandi
„Það er stefna Sjálfstæðisflokksins að draga úr skattheimtu og hemja vöxtinn í útgjöldum ríkisins.“ – Grein í Þjóðmálum, mars 2018.
Einföldun regluverks
„Mín pólitíska sýn er að gera þurfi mjög ríkar kröfur til rökstuðnings fyrir íþyngjandi kröfum og reglum.“ – Morgunblaðsgrein, 20. október 2019.
Næstu grænu skref kalla á orku og innviði
„Það skýtur skökku við að þótt við séum í fremstu röð í grænni orkuframleiðslu þarf trekk í trekk að grípa til þess ráðs á Vestfjörðum að framleiða rafmagn með olíu vegna rafmagnstruflana.“ – Morgunblaðsgrein, 30. júlí 2017.
Nýsköpun og heilbrigðisþjónusta
„Það er mikilvægt að við hugsum stórt og komum fram með lausnir sem gagnast ekki bara okkar litlu þjóð, heldur einnig á erlendum vettvangi.“ – Ræða á Nýsköpunarþingi, 30. október 2018.
Upplýsingatækni og gervigreind
„Það er risavaxið verkefni að takast á við tækifæri og áskoranir þessarar þróunar og beina henni í rétta átt til að hún þjóni okkur, en ekki við henni.“ – Ræða á UT-messu, 8. febrúar 2019.
Um samfélagsábyrgð fyrirtækja
„Samfélagsábyrgð fyrirtækja snýst ekki um hvernig þú eyðir peningunum heldur hvernig þú aflar þeirra.“ – Morgunblaðsgrein, 17. nóvember 2019.
Samkeppnishæfni Íslands snýst um bætt lífskjör
„Það er til mikils að vinna að leysa þessi verðmæti úr læðingi með því að losa þau úr höftum óþarfa reglubyrði.“ – Morgunblaðsgrein, 15. nóvember 2020.
Bjart yfir nýsköpun
„Það sem af er þessu ári hefur verið fjárfest í íslenskum nýsköpunar- og tæknifyrirtækjum fyrir um 17 milljarða króna. Það er meira en allt árið 2019.“ – Morgunblaðsgrein, 29. nóvember 2020.
Gömul gildi og ný
„Þó að Jesú sé í dag ímynd hinna „gömlu og góðu gilda“ er hollt að hafa í huga að hann var sjálfur róttækur.“ – Morgunblaðsgrein, 16. desember 2018.
Græn orka í lykilhlutverki
„Markmið orkuskipta eru þau að Ísland verði óháð jarðefnaeldsneyti og að öll starfsemi, hvort sem er á landi, í lofti eða á legi verði knúin endurnýjanlegum orkugjöfum.“ – Ræða á ársfundi Samorku, 8. september 2020.
Sterk staða Íslands
„Þjóðarvörumerkið „Ísland“ er nú 26 milljarða dollara virði, að mati þessa fyrirtækis.“ – Ræða á Framleiðsluþingi Samtaka iðnaðarins, 6. desember 2017.
Tímamótatillaga um flutningskerfi raforku
„Rauði þráðurinn í tillögunni er að styrkja þurfi flutningskerfið til að ná nánar tilgreindum markmiðum, meðal annars um orkuskipti, afhendingaröryggi um allt land og möguleikum til atvinnuuppbyggingar.“ – Morgunblaðsgrein, 11. febrúar 2018.
Nýsköpunarstefna kynnt
„Grunnstef stefnunnar er sú trú að framtíðarvelmegun þjóðarinnar byggist á því að búa til ný verðmæti. Þau munu ekki koma upp í hendurnar á okkur eða falla okkur sjálfkrafa í skaut.“ – Morgunblaðsgrein, 6. október 2019.
Helsti grundvöllur aukinnar velmegunar
„Nýsköpun er ekki aðeins krúttleg uppátæki ungs fólks sem fær sniðugar hugmyndir. Nýsköpun er þvert á móti mikil alvara fyrir samfélag sem vill stuðla að frekari verðmætasköpun.“ – Morgunblaðsgrein, 23. september 2018.
Staðan í stjórnmálum í byrjun árs
„Eins krefjandi og ótal verkefni samtímans eru, þá tel ég að þegar frá líður verði þessi ríkisstjórn ekki síst dæmd af því hve vel henni tekst að búa okkur undir breytta framtíð.“ – Ræða við stjórnmálaumræður á Alþingi, 21. janúar 2019.
Horft yfir þrjú ár sem ráðherra
„Ég hef haft grundvallargildi Sjálfstæðisstefnunnar að leiðarljósi í nálgun minni á málaflokka ráðuneytisins.“ – Morgunblaðsgrein, 26. janúar 2020.
Orkustefna í mótun
„Orkumál eru nátengd byggðamálum, umhverfismálum, efnahagsmálum, nýsköpun, rannsóknum og almennri lífsgæðaþróun. Það skiptir því sköpum að horfa fram í tímann og setja skýra langtímastefnu.“ – Ræða á ársfundi Samorku, 6. mars 2019.
Öflugir innviðir – lífæðar samfélagsins
„Breytingar samtímans eru ekki alda sem kaffærir okkur heldur ber hún okkur áfram í átt til framfara og betra lífs, ef rétt er á málum haldið.“ – Ræða á Iðnþingi, 9. mars 2017.
Árangur og áherslur við hálfnað kjörtímabil
„Við erum ekki bara að lækka skatta heldur líka að stórauka fjárfestingar í innviðum, m.a. með stórsókn í vegamálum.“ – Umræður á Alþingi um stefnuræðu forsætisráðherra, 11. september 2019.
Samkeppnishæfni Íslands og „Veröld sem var“
„Hafinn er undirbúningur að því í atvinnuvegaráðuneytinu að setja ramma utan um vinnuna við nýsköpunarstefnu fyrir Ísland.“ – Ræða á Iðnþingi, 8. mars 2018.
Um bjartsýni á framtíðina og fortíðarþrá
„Við þurfum að vera reiðubúin til að hlusta á þær raddir sem finnst vanta skýrari svör við nýjum spurningum samtímans.“ – Ræða á Iðnþingi, 7. mars 2019.
Virðing skiptir ekki síður máli en hlutföll
„Við eigum að halda áfram að þroska þá umræðu og auka jafnrétti hvað varðar virðingu kynjanna ekki síður en hlutföll kynjanna.“ – Ræða við afhendingu FKA-verðlaunanna,
Þrjú framfaramál fyrir Akranes
„Þessar framkvæmdir eru allar skýrt merki um vilja okkar að efla byggðina á Akranesi og nágrenni enda eiga fá svæði á landinu meira inni í tækifærum til að geta vaxið og dafnað.“ – Grein í Skessuhorn, febrúar 2019, ásamt Haraldi Benediktssyni.
Krafan um aukin ríkisútgjöld
„Við spyrjum of oft bara um krónur og aura, en of sjaldan um afköst, gæði, árangur, hagkvæmni, sóun og óþarfa.“ – Morgunblaðsgrein, 28. janúar 2018.
Hvert er hið fullkomna ferðamannaland?
„Frá fyrsta degi í embætti sagði ég að það væri ekki forgangsmál að fjölga ferðamönnum.“ – Ræða á Ferðamálaþingi, 4. október 2017.
Erindi Sjálfstæðisflokksins – yfirlýsing um framboð til varaformanns
„Ég hef ákveðið að bjóða mig fram til varaformennsku í Sjálfstæðisflokknum.“ – Morgunblaðsgrein, 25. febrúar 2018.
Metnaðarfullur stjórnarsáttmáli
„Fyrir kosningar var Sjálfstæðisfólk mest uggandi yfir miklum skattahækkunum sem mögulega yrðu á dagskrá ef vinstriflokkar kæmust til valda. Það er því ánægjulegt hvernig til hefur tekist varðandi þau mál í stjórnarsáttmálanum.“ – Morgunblaðsgrein, 3. desember 2017.
Sauðkindin sem innblástur sköpunar
„Mikil gróska er í hvers konar hönnun og listsköpun sem tengist sauðkindinni, ullinni, gærunum og hinni einstöku sögu sem við höfum að segja.“ – Ræða við verðlaunaafhendingu Icelandic Lamb, 12. desember 2017.
Tækifæri smávirkjana
Ég tel að það felist margvísleg tækifæri í uppbyggingu smávirkjana á Íslandi og að mörgu leyti sé um vannýtta auðlind að ræða. Ekki bara frá sjónarhóli orkumála heldur líka byggðamála. – Ræða á ráðstefnu Orkustofnunar, 17. október 2019.
Fimm fletir orkumála í deiglunni
„Vatnsafl og jarðvarmi tilheyra eignarhaldi á landi, rétt eins og laxveiðiréttindi tilheyra jörðum. Ef Jón og Gunna eiga landið þá eiga Jón og Gunna viðkomandi orkuauðlind. Ef ríkið á landið þá á ríkið viðkomandi orkuauðlind.“ – Ræða á ársfundi Landsvirkjunar, 28. febrúar 2019.
Í aðdraganda sveitarstjórnarkosninga
„Ég veit að frambjóðendur Sjálfstæðisflokksins hafa það sem þarf til að nýta tækifærin.“ – Morgunblaðsgrein, 20. maí 2018.
Regnbogaland
„Lífið væri að ýmsu leyti einfaldara í svarthvítu. Engu að síður væri það óendanlega miklu leiðinlegra og verra samfélag. Okkur líður miklu betur í lit.“ – Morgunblaðsgrein, 12. ágúst 2018.
Auðlindir norðursins
„Hitt sem mér finnst standa upp úr er sóknarhugurinn í öllum landshlutum, sem ég finn svo skýrt fyrir.“ – Ræða á lausnamóti Eims, SSNV, SSNA, Nýsköpunar í norðri og Hacking Hekla, 15. apríl 2021.
Forsendur verðmætasköpunar
„Menn eiga bandamann í mér þegar kemur að því að gera kerfið almennt betra, skýrara, skilvirkara og lækka skatta með almennum hætti.“ – Ræða á Iðnþingi, 18. september 2020.
Saman getum við gert stóra hluti
„Við ykkur vil ég segja: Hafið metnað fyrir hverju því sem þið takið ykkur fyrir hendur. Vandið ykkur og leggið hart að ykkur. Látið gott af ykkur leiða.“ – Ræða við útskrift frá Fjölbrautarskóla Vesturlands Akranesi, 27. maí 2017.
Efst á baugi í orkumálum
„Framleiðsla á grænu vetni er mjög ofarlega á baugi í Evrópu um þessar mundir. Í því felast hugsanlega möguleikar fyrir okkur Íslendinga.“ – Ræða á ársfundi Orkustofnunar, 15. október 2020.
Mikilvægar aðgerðir í ferðaþjónustu
„Örfáum vikum eftir að ég kom í ráðuneytið ákváðum við að rúmlega tvöfalda framlag ríkisins til SafeTravel-verkefnis Landsbjargar.“ – Morgunblaðsgrein, 8. október 2017.
Best í heimi?
„Fyrir nokkrum dögum setti Guðmundur Hafsteinsson, vöruþróunarstjóri hjá Google, færslu inn á Facebook þar sem hann sagði að Ísland væri besti staður í heimi til að búa á.“ – Ræða á fundi Viðskiptaráðs og Íslandsbanka um samkeppnishæfni Íslands, 29. maí 2019.
Jarðvegur tækifæra um allt land
„Öflug og blómleg byggð um landið er hluti af sjálfsmynd okkar.“ – Umræður á Alþingi um stefnuræðu forsætisráðherra, 24. janúar 2017.
Græn tækifæri til verðmætasköpunar
„Orkusjóður hefur styrkt mörg verkefni á sviði nýsköpunar í orkumálum, til að mynda áætlanir um fjölnýtingu á umframvarma á Grundartanga.“ – Ræða á ársfundi Samorku, 26. mars 2021.
Staðreyndir um veiðigjald
„Það væri óskandi að þingmenn sem hæst hafa í þessari umræðu myndu treysta sér í efnislega og málefnalega umræðu um staðreyndir í stað þessa að þyrla upp ryki.“ – Morgunblaðsgrein, 3. júní 2018.
Framtíð Ólafsdals er björt
„Það er því ekki að ástæðulausu sem sagt hefur verið að Ólafsdalur sé álíka mikilvægur í búnaðarsögu landsins og Hólar og Skálholt eru í kirkjusögunni.“ – Ræða á Ólafsdalshátíð, 12. ágúst 2017.
Orkustefna
„Orkustefnan varpar ljósi á þau fjölmörgu forgangsverkefni í orkumálum sem við getum náð samkomulagi um þvert á flokka. Það stuðlar að hraðari framförum.“ – Fréttablaðsgrein, 5. október 2020.
Röng nálgun vinstrimanna á umsvif hins opinbera
„Nálgun Ágústs Ólafar í þessari fyrirspurn opinberaði í hnotskurn muninn á hægrimönnum og vinstrimönnum.“ – Morgunblaðsgrein, 25. mars 2018.
Orkuskipti sameina styrkleika Íslands og áskoranir heimsbyggðarinnar
„Það myndi ekki bara vekja heimsathygli heldur treysta orkuöryggi okkar, spara mikinn gjaldeyri og leggja grunn að nýjum iðnaði, störfum og útflutningi.“ – Ræða á stefnumóti við sjávarútveginn í HÍ, 17. mars 2021.