„Vatnsafl og jarðvarmi tilheyra eignarhaldi á landi, rétt eins og laxveiðiréttindi tilheyra jörðum. Ef Jón og Gunna eiga landið þá eiga Jón og Gunna viðkomandi orkuauðlind. Ef ríkið á landið þá á ríkið viðkomandi orkuauðlind.“ – Ræða á ársfundi Landsvirkjunar, 28. febrúar 2019.
„Eins krefjandi og ótal verkefni samtímans eru, þá tel ég að þegar frá líður verði þessi ríkisstjórn ekki síst dæmd af því hve vel henni tekst að búa okkur undir breytta framtíð.“ – Ræða við stjórnmálaumræður á Alþingi, 21. janúar 2019.
„Greining á samfélagslegum ávinningi af því að staðsetja ríkisstofnanir úti á landi er einmitt mikilvæg þjónusta við borgarana.“ – Ræða á málþingi á Akranesi, 22. febrúar 2019.
„Við eigum að halda áfram að þroska þá umræðu og auka jafnrétti hvað varðar virðingu kynjanna ekki síður en hlutföll kynjanna.“ – Ræða við afhendingu FKA-verðlaunanna,
„Það er mikilvægt að við hugsum stórt og komum fram með lausnir sem gagnast ekki bara okkar litlu þjóð, heldur einnig á erlendum vettvangi.“ – Ræða á Nýsköpunarþingi, 30. október 2018.
„Frá mínum bæjardyrum séð getur Ísland vel orðið draumaland nýsköpunar, og ég tel að okkur hafi miðað talsvert í þá átt á seinustu árum.“ – Ræða á Nýsköpunarþingi, 30. mars 2017.
„Óþarfa samkeppnishindranir eru byrðar sem skapa ekkert nema sóun, tjón og skaða; þær þarf að afnema sem hraðast til að auka verðmætasköpun og bæta lífskjör.“ – Ræða hjá Félagi atvinnurekenda, 11. febrúar 2021.
„Grunnstef stefnunnar er sú trú að framtíðarvelmegun þjóðarinnar byggist á því að búa til ný verðmæti. Þau munu ekki koma upp í hendurnar á okkur eða falla okkur sjálfkrafa í skaut.“ – Morgunblaðsgrein, 6. október 2019.
„Mín pólitíska sýn er að gera þurfi mjög ríkar kröfur til rökstuðnings fyrir íþyngjandi kröfum og reglum.“ – Morgunblaðsgrein, 20. október 2019.
„Efnahagslegt sjálfstæði okkar og fullveldi veltur að verulegu leyti á því að við tökum afgerandi stöðu með hugvitinu.“ – Morgunblaðsgrein, 1. desember 2019.